Rama uron: Mirëserdhët Ares dhe Rajd, jetë të gjatë dhe me këmbën e mbarë

Kryeministri Rama: “Çfarë viti filloi!” – Binjakët e parë të vitit 2025, Ares dhe Rajd, lajmës të bereqetit, mirësisë dhe begatisë. Në minutat e para të Vitit të Ri, Kryeministri Edi Rama ka ndarë një lajm të veçantë për të gjithë shqiptarët. Në maternitetin “Mbretëresha Geraldinë” në Tiranë, në pikën e mesnatës, erdhën në jetë binjakët e parë të vitit 2025, Ares dhe Rajd.

“Mirëserdhët Ares dhe Rajd, jetë të gjatë dhe me këmbën e mbarë!” – shkruan Kryeministri në postimin e tij në rrjetet sociale, duke uruar që ky vit të sjellë bereqet dhe mbarësi për të gjithë.

Binjakët Ares dhe Rajd janë lajmësit e parë të këtij Viti të Ri, të cilët gjithashtu përfitojnë nga bonusi i bebeve, me nga 80 mijë lekë secili, si pjesë e politikave mbështetëse për familjet e reja.

Viti 2025 nis me gëzim dhe shpresë, i shënuar nga ky moment i bukur, që Kryeministri e konsideron një fillim me fat dhe simbolik për të gjithë shqiptarët.

AV