Reagon dhe Presidentja e Kosovës: Urime Shqipërisë për këtë moment të rëndësishëm

Edhe Presidentja e Kosovës, Vjosa Osmani, ka uruar sot Shqipërinë, për arritjen e një momenti historik, në rrugëtimin e saj drejt anëtarësimit në Bashkimin Evropian.

Urimi është bërë nëpërmjet profilit të saj zyrtar në rrjetin social X.

“Urime Shqipërisë për arritjen e këtij momenti të rëndësishëm në rrugëtimin e saj drejt anëtarësimit në BE! Hapja e kapitujve të anëtarësimit e afron Shqipërinë një hap më pranë një të ardhmeje më të ndritur dhe të begatë për të gjithë qytetarët e saj.

Shqipëria, Kosova dhe vendet e tjera të rajonit të vazhdojnë avancimin në rrugëtimin e tyre drejt BE-së. Ky proces është thelbësor për sigurimin e paqes dhe stabilitetit afatgjatë jo vetëm për rajonin, por për të gjithë Evropën”, shkruan Osmani.