Reagon Paloka për deputetët që mbështetën platformën e Alibeajt: Keqardhje për kolegët!

Deputeti i PD-së, Edi Paloka, ka reaguar në lidhje me platformën që prezantoi ditën e sotme Enkeljd Alibeaj për bashkimin e demokratëve.

Me anë të një statusi në ‘Facebook’, Paloka është shprehur se ndjen keqardhje për kolegët e tij, për të cilët thotë se nuk e kanë lexuar se çfarë iu është vënë përpara.

“Thjesht keqardhje për miqtë dhe kolegët që në rastin më të mirë, nuk kanë lexuar se çfarë u kanë vënë përpara…Keq nëse nuk e kanë kuptuar ! Shumë keq nëse e kane kuptuar dhe nënshkruar me vetëdije të plotë!”, deklaron Paloka.