Reagon Presidenti Meta për situatën e tensionuar në kufirin Kosovë-Serbi

Presidenti Ilir Meta ka reaguar lidhur me tensionet e krijuara në kufirin mes Kosovës e Serbisë pas ndalimit të makinave me targa serbe në Kosovë.

Në reagimin e tij, Presidenti Meta shkruan: 

Ruajtja e sovranitetit shtetëror dhe e integritetit territorial të Republikës së Kosovës është faktor kyç për konsolidimin e paqes, sigurisë, stabilitetit dhe fqinjësisë së mirë në rajon dhe baza e ndërtimit të marrëdhënieve të qëndrueshme me Serbinë.

Në këtë frymë palët duhet të kapërcejnë tensionet, të vijojnë dialogun dhe t’u përmbahen detyrimeve, që rrjedhin nga marrëveshjet e arritura nga të dy vendet me ndërmjetësimin e BE dhe SHBA.