Reforma në drejtësi, Ambasadori Lu takon Presidentin Nishani

Ekspertët e nivelit të lartë për reformën në drejtësi janë mbledhur sërish sot në Kryesinë e Kuvendit, ndërsa kanë hyrë në ngërç bisedimet mes palëve.

Ekspertët e Partisë Demokratike kanë deklaruar se nuk kanë marrë njoftim për mbledhjen e sotme. Për të zhbllokuar bisedimet duket se do të duhet sërish ndërhyrja e Ambasadorëve Lu dhe Vlahutin.

Ambasadori amerikan rreth orës 10:00 ka nisur një takim me kreun e shtetit Bujar Nishani në Presidencë dhe në qendër të bisedimeve mendohet të jetë pikërisht reforma.

Një ditë më parë ekspertët e Partisë Demokratike braktisën tryezën e bisedimeve duke akuzuar shumicën për mosreflektim ndaj rekomandimeve të Komisionit të Venecias.