Rekomandimi i OSBE për të dhënat personale, Yuri Kim: Qytetarët duhet të votojnë pa presion

Ambasadorja e SHBA-së në Tiranë, Yuri Kim thekson se autoritetet në vend duhet të veprojnë sipas rekomandimeve të OSBE-ODHIR në lidhje me zgjedhjet e 25 prillit.

Rekomandimi i katërt i raportit të OSBE/ODIHR ka të bëjë me faktin që Shqipëria duhet të garantojë sigurinë e të dhënave personale të qytetarëve dhe se institucionet përkatëse duhet të hetojnë dhe sanksionojnë plotësisht çdo shkelje që ndikon në besimin e publikut në procesin zgjedhor.

Përmes një postimi në Twitter, Kim thotë se autoritetet duhet të veprojnë mbi këtë rekomandim pasi e drejta e qytetarëve për të votuar të lirë është baza e demokracisë.

”Ne i nxisim autoritetet të veprojnë sipas këtij dhe rekomandimeve të tjera të OSBE-ODHIR në lidhje me zgjedhjet e 25 prillit. E drejta e qytetarëve për të votuar lirshëm, pa frikë ose presion ose joshje të paligjshme, është themelore për demokracinë”.

We urge authorities to act on this and other recommendations of @osce_odihr regarding the April 25 election. The right of citizens to vote freely – without fear or pressure or illegal enticement – is basic to democracy. https://t.co/xNaUqLsGhI

— U.S. Ambassador to Albania (@USAmbAlbania) October 11, 2021