Revolta e shqiptarëve/Duma: Degradimi i spitaleve është përgjegjësi e Ramës (VIDEO)

Duke marrë shkas nga akuzat e rënda të vajzave të Rifat Lalos ndaj spitalit Infektivit, që sipa styre shkaktoi edhe vdekjen e 79-vjeçarit, ish-deputetja e PD-së, Grida Duma thotë se degradimi i spitaleve është përgjegjësi e Ramës. Përmes një postimi në facebook, Duma shton se ”Degradimi i sistemit shëndetësor në këto 8 vjet është vetëm përgjegjësi e tij. Përpara shëndetit të njerëzve, ai vuri koncesionet, me të cilët mbushin xhepat. Me këtë kryeministër kemi ngecur në vend. Është koha ta ndryshojmë në 25 prill këtë realitet”.

Postimi i plotë

Po e shpërndaj sot këtë video për të ndarë dhimbjen dhe revolën me familjen që humbi babanë në kushte të vështira spitalore.

Ndaj dhimbjen dhe revoltën edhe me qindra e mijëra qytetarë të tjerë shqiptarë që ndihen po kaq të braktisur nga qeveria e Edi Ramës, po kaq të indinjuar dhe të dëshpëruar për humbjen e të afërmve nga pamundësia për të marrë shërbimin e duhur në spitale.

Degradimi i sistemit shëndetësor në këto 8 vjet është vetëm përgjegjësi e tij. Përpara shëndetit të njerëzve, ai vuri koncesionet, me të cilët mbushin xhepat. Me këtë kryeministër kemi ngecur në vend. Është koha ta ndryshojmë në 25 prill këtë realitet!