Rezoluta e PD për Presidentin e ri, Spiropali: S’e njohim, buron nga shkulmi anti-amerikan

Këshilli Kombëtar i Partisë Demokratike me anë të një rezolute ka vendosur që selia blu do të shprehë vullnetin e saj për zgjedhjen e Presidentit të Republikës me votën e grupit parlamentar, pa u bërë pjesë e farsave institucionale të mazhorancës socialiste.

Kurse PS-ja, përmes Elisa Spiropalit deklaron se nuk e njeh këtë rezolutë. E ngarkuara e PS-së për çështjen e Presidentit, thotë përmes njlë postimi në facebook se maxhoranca nuk nje asnjë vendim të asnjë instance që buron nga shkulmi anti-amerikan.

”Nëse është e vërtetë që Saliu paska mbledhur një kuvend për të vendosur kusht që hyjnë në negociata për Presidentin e ri vetëm nëse pranohet kandidati i tyre, atëherë ngushëllime kuvendarëve në fjalë dhe një kujtesë nga ana jonë: Grupi Parlamentar Socialist nuk njeh asnjë vendim të asnjë instance që buron nga shkulmi anti-amerikan i një personazhi të listës së zezë të Shteteve të Bashkuara të Amerikës dhe nuk ka ndërmend të ketë asnjë kontakt me atë burim të së keqes për Shqipërinë”.