Rikthehen vizat. Nga 1 janari procedura të reja për shqiptarët që duan të shkojnë BE. Rama: Është sistem sigurie

Duke nisur nga data 1 janar e vitit 2021 të gjithë shqiptarët që duan të udhëtojnë në vendet shengen do të përballen sistemin e vizave. Lidhur me këtë vendim, Kryeministri Edi Rama thotë se kjo nuk është një kthim pas dhe as një vizë, por një procedurë që ka si objektiv kryesor forcimin e kontrolleve të sigurisë për personat që udhëtojnë pa viza në zonën Shengen. “Ka që në 2016 që flitet për këtë por gjithsesi nuk bëhet fjalë për ndonjë kthim pas, por për një sistem sigurie të BE-së, për të gjitha shtetet jo anëtare të BE dhe nuk kanë nevojë për vizë. Sipas sistemit ETIAS duhet që para se të nisesh të bësh një aplikim online dhe aplikimi nuk është për vizë, por t’i e bën, futet në sistem dhe merr konfirmimi po online në një kohë të shkurtër nëse je apo jo i lejuar të hysh në BE në bazë të kartelës kriminale. S’ka lidhje me qytetarët që s’kanë kartelë kriminale të regjistrua me terrorizimin“, tha Rama.

Por si funksionojnë rregullat e reja dhe si merret aplikimi? Ky program i quajtur sistemi i autorizimi dhe informacionit elektronik të udhëtareve ka për qëllim filtrimin e të gjithë atyre që udhëtojnë, për të ruajtur kufijtë e Bashkimit Europian.

Programi i quajtur Etias, do të vihet në zbatim pas katër vitesh që u desh të zhvillohej dhe prek 60 vende të ndryshme të botës, përfshirë këtu edhe shtetet e bashkuara të Amerikës.

Ky sistem i ri konstiston në faktin që qytetarët e këtyre 60 vende, do të duhet të plotësojnë një formular online, që merr vetëm 15 minuta kohë, nëpërmjet një smartphoni, kompjuteri ose tableti.

Në këtë formular, udhëtarët do të duhet të japin detaje për udhëtimin e tyre, ku përfshihen të dhënat për shëndetin dhe sigurinë, si psh të dhënat për rekordet kriminale.

Sistemi ETIAS, kërkon që të gjitha informacionet të jetë në besueshme, pasi çdo e dhënë në formular do të kontrollohet bazuar në të dhënat e databazës së bashkimit europian, siç është Interpoli apo Europoli.

Në të kundërt, aplikimi do të refuzohet dhe udhëtarët do të duhet që të riaplikojnë duke dhënë të dhënat e tyre të sakta.

Megjithatë, të gjithë udhëtarët, nga këto 60 vende, ku bën pjesë edhe Shqipëria, do të duhet që në fund të aplikimit të tyre të paguajnë një tarfië, nëpërmjet një karte krediti ose debiti.

Pas miratimit të autorizimit, sistemi kërkon që udhëtarët të kenë një kopje të formularit të miratuar, që më pas do të paraqitet pranë zyrave të emigracionit të vendeve Shengen.

Programi ETIAS, sqaron se ky autorizim është vetëm për qëllime biznesi dhe turizmi dhe nuk përshin udhëtimet për qëllime punësimi, pasi për këtë të fundit, udhëtarët do të duhet të aplikojnë për një tjetër vizë. Procesi i marrjes së një autorizimi të tillë për të udhëtuar ne zonën Shengen merr deri në 72 orë kohë, ne raste të vonesave apo pushimeve zyrtare.

Etias, do të jetë e vlefshme për tre vite, ku mbajtësi i saj do të mund të qëndrojë në vendet Shengen 90 ditë, brenda një periudhe prej 6 muajsh.

Njoftimi zyrtar i institucioneve të BE për regjimin e vizave për Shqipërinë