”Rikthimi i tretë i Sali Berishës”, ish-kryeministri: Bashkimi rreth votës së lirë (VIDEO)
Këtë të enjte mbrëma, Sali Berisha do të rrëfejë gjithçka që po ndodh me PD në këto muajt e fundit dhe këto në emisionin ”Open” të gazetares Eni Vasili në ”News 24”.
Çfarë që prodhoi Kuvendi i 30 prillit, bashkim apo përçarje?
Ky është një proces unik në llojin e tij që zhvillohet në narko-shtet. Nëse rikthehemi nga shtatori deri sot, çfarë do shihni ju në këtë përballje?! Ka një përballje mes legjitimes dhe jo legjitimes. Midis bashkimit dhe përçarjes, midis demokratikes dhe autokratikes. Kjo është e vërteta e pamohueshme. Pse është mes jolegjitimes dhe legjitimes?
Ky proces nisi kur kryetari i PD nën presionin e tmerrshëm të ambasadores së SHBA-ve mori një vendim të pabazuar në asnjë ligj të PD në asnjë forum të PD, në asnjë ligj të Shqipërisë, për përjashtimin tim nga grupi parlamentar në një kohë kur ai nuk kishte kompetencë.
Për vendosjen e kësaj kompetencë u përdorën firmat e ¼ të delegatëve dhe u mblodh një Kuvend në dhjetor që miratoi një status të ri që e nxjerr partinë nga mundësi të tilla.
Në atë Kuvend PD-ja erdhi pas një votimi të certifikuar të lirë, të rreth 40 mijë anëtarëve të saj. Të garantojë se në historinë e saj s’ka pasur të tillë. Unë nuk ju premtova asgjë më shumë demokratëve, se sa rikthimin e votës së lirë.
Synimi juaj ishte bashkimi?
Bashkimi me votën e lirë. E kam thënë dhe e kam përsëritur, bashkimi rreth votës së lirë. Ai që pranon votën e lirë, është i mirëpritur dhe s’ka asnjë lloj intimidimi.
