“Rinasi”, Gjosha: E paimagjinueshme që pas 8 vjetësh qeverisje, për një problem kaq banal të thuhet “është faji i Saliut”

Ish-ministrja e Integrimit, Klajda Gjosha, përfshihet në replikat dhe akzuat në distancë mes kryeministrit Edi Rama dhe Presidentit Ilir Meta dhe ish-kryeministrit Sali Berisha lidhur me çështjen e aeroportit të Rinasit.

Përmes rrjeteve sociale, Gjosha shprehet se bllokimi i Rinasit tregon jo vetëm paaftësinë e kësaj qeverisje, por dhe autoritarizmin e saj.

Gjosha thekson se është e paimagjinueshme që pas 8 vjetësh qeverisje, për një problem kaq banal të thuhet akoma pa lidhje “është faji i Saliut”

“Bllokimi i Rinasit tregon jo vetëm paaftësinë e kësaj qeverisje, por dhe autoritarizmin e saj. Kontrollorët e Rinasit nuk mund të trajtohen si specialistët e Ministrive pasi të veçantë për profilin e punës që kryejnë.

U duhen 4 vjet të marrin një license ndërkombëtare dhe vit për vit bëjnë testime teknike dhe psikologjike. T’i largosh nga puna me një telefonatë është e paimagjinueshme!

Akoma më e paimagjinueshme është që pas 8 vjetësh qeverisje për një problem kaq banal të thuhet akoma pa lidhje “është faji i Saliut”.

Në 25 Prill duhet ta largojmë sa më parë të paaftët dhe ata që mendojnë se pushteti është   një mjet për të goditur qytetarët!”, shprehet Klajda Gjosha.