Rritja e çmimeve, Meta: Pagat duhen rritur. Kriminaliteti në vend, më i larti në raport me BE

Kreu i Partisë së Lirisë, Ilir Meta nga takimi me strukturat në Kombinat ka komentuar projektligjin që është depozituar në Kuvend për indeksimin e pagave. Në fjalën e tij Meta tha se ekonomia është rritur, por që pagat nuk janë prekur. Po ashtu Meta theksoi se ndryshimet e fundit nuk kanë ndikim aq kohë sa Edi Rama është kryeministër.

”Kemi këtë situatë ku kriminaliteti është më i larti jo vetëm për këtë por edhe në raport me BE. Kjo është një arsye pse bandat mbrohen nga ana e shtetit dhe qeverise. Kjo është arsyeja pse kemi çmime të shtrenjta, sepse vijnë nga para të papastra.

Kjo është arsyeja pse njerëzit që duan të blejnë në apartament në Tiranë e kanë shumë të vështirë sepse paraja që del nga krimi i organizuar është një helm i qeverisë.

Unë kam besim te populli i Kombinatit dhe i gjithë Shqipërisë se shumë shpejt, do të bëjmë të mundur që kombinati t’i rikthehet buzëqeshja dhe gjithë familjeve shqiptare t’iu kthehet buzëqeshja dhe liria”.