Rritja e pagave e pensioneve, Basha: E hapi thesin e rrenave Rama!

Kryetari i PD, Lulzim Basha duke vijuar turin e dëgjimit dhe bashkëbisedimit me demokratët në Lezhë u ndal në fjalën e tij dhe për premtimin e kryeministrit Edi Rama për rritjen e pagave dhe pensioneve. Basha tha se, ky premtim është gënjeshtër.

“Mandatit të tij po i vjen fundi, dhe për këtë Rama nuk nguron të hapë thesin e rrenave, për rritje pagash e pensionesh, ulje taksash e shërbime ndaj qytetarëve, pasi në tre vite bëri të kundërtën e asaj që premtoi në 2013-ën. Edi Ramën e rren mendja, se do t’i ngope shqiptarët me lugën bosh”, u shpreh Basha.