Sali Berisha sulmon ambasadoren Kim: Flet si guvernatore, si Edi Rama!
Kreu i PD Sali Berisha, në një dalje para mediave është pyetur lidhur me deklaratat e ambasadores amerikane Yuri Kim ndaj tij. Berisha i ka cilësuar deklaratat e ambasadores Kim, të njëjta me ato të kryeministrit Edi Rama.
Deklaratën e ambasadores amerikane Yuri Kim, si e komentoni? Ajo tha se nuk do të zhvillojë takime personale me ju? A e dëmtojnë këto PD?
“Ka disa pasaktësi, jo të vogla. Së pari, zotimi i ambasadores se zyrtarët amerikanë dhe ajo vetë nuk takohen me persona të shpallur është një deklaratë sikur ta ketë bërë Edi Rama. Sepse është gënjeshtër, dhe këtë e di çdo shqiptar. Zyrtarët e DASH takohen madje edhe me kukulla apo ithtarë të Putin, këtu e kam fjalën për Dodik. Kjo është një gjë e pavërtetë. PD mbetet e vendosur për të zhvulluar marrëdhënie shumë të mira, miqësore e të gjithanshme me SHBA.
SHBA janë aksioneri kryesor i sigurisë së botës së lirë dhe ne besoj se duhet të japim çdo kontribut që ky funksion të përmbushet. Natyrisht, nuk bëhet fjalë për marrëdhënie me Sorosin e mafien e tij. Në rastin konkret, ambasadorja që flet si guvernatore siç e keni parë shkon në një superharmoni me elementë të diskretituar kombëtarëisht dhe botërisht si Rama, Balla etj“, tha Berisha.
