Salianji: Berisha la një trashëgimi të çmuar, por PD ka marrëdhënie të afërta me SHBA-në

Sot Lulzim Basha kërcënoi hapur Berishën, duke thënë se ai nuk do të lejojë shkatërrimin e PD-së për interesat personale të doktorit. Deputeti i PD-së, Ervin Salianji thotë se Basha ka përgjegjësinë dhe legjitimitetin që i buron nga vota, duke shtuar se në asnjë moment nuk duhet të harrohen edhe marrëdhëniet strategjike me SHBA-të.

“Nuk mund të themi që ka apo nuk ka zgjedhje. Basha nuk ka vulën, por ka përgjegjësinë dhe legjitimitetin që i buron nga vota. Me të drejtë njerëzit kanë një shqetësim real dhe në po përpiqemi t’i adresojmë shqetësimet. Unë jam i paqartë se cila është kërkesa? Cili është qëllimi?

I vetmi qëllim është që të dëmtohet Basha, kjo më duket pa sens. Dy javë është bërë Basha i keq, pra këtu ka një sens logjik që nuk qëndron. Është e qartë që për PD-në, Berisha ka lënë një trashëgimi të çmuar. Ne nuk duhet të harrojmë marrëdhëniet strategjike dhe të afërta me SHBA-të.

Unë nuk harroj se njerëzit qanin për Enverin, o bo bo çfarë do të ndodhë. Por jo ka pasur lëvizje, por edhe rigjenerime. Ne mendojmë që interesi publik bashkohet me PD”, tha Salianji në ”News 24”.