Salianji debat me Bardhin në mbledhjen e Kryesisë: Të hiqen dyert e blinduara, tregoni hapjen e PD-së

Në mbledhjen e Kryesisë së PD që ende vijon, deputeti demokrat Ervin Salianji ka pasur një debat të fortë me sekretarin e Përgjithshëm të PD-së, Gazment Bardhin për dyert e blinduara në selinë blu, ku ka kërkuar që të hiqen dhe të tregojnë simbolikisht hapjen e partisë.

Pjesë nga debati

Salianji: Të ndërtojmë një grup dhe zgjidhje që e bën bashkimin funksional për të gjithë ku të gjithë mund të përfaqësohen si ngjyrime.

Salianji-Alibeajt: Duhet thërritur Këshilli Kombëtar që të japë legjitimitetin formal.

Salianji: Të hiqen dyert e hekurit, të tregojmë me simbolikë hapjen e partisë.

Bardhi: Dyert janë të hapur.

Salianji: Dyert e hekurit që as nuk preken me dore ta shpifin, t’i heqim.

Bardhi: Së pari lidhur me blindimin e PD-se, dyert janë të hapura, dhe janë çështje të administratës. S’ja vlen të merremi në kryesi me këtë.