Salianji: Nisma e Berishës është tollovi dhe nul. Data 11 do të jetë miting jo Kuvend

Edhe pse thotë se padyshim që Sali Berisha është një njeri që ka mbështetje në PD, për deputetin dhe mbështetësin e kryetarit të PD, Ervin Salianji ”Foltorja” është një tollovi dhe për të data 11 dhjetor, do të jetë miting e jo Kuvendi i PD-së.

”Data 11 dhjetor është një miting. Padyshim që Berisha është një njeri që ka mbështetje në PD. Nuk do të thotë se mbushja e sallave tregon mbështetje. Mbështetja tregohet përmes institucioneve. Data 11 do të shihet se është një miting. Të gjitha firmat nëse janë apo jo, futen në një procedurë të caktuar.

Neni 43 i statutit të partisë cakton që edhe ¼ e detyron thirrjen e Kuvendit Kombëtar. Kjo është një tollovi të caktuar, sepse nisma është nul. Është njëlloj sikur të mblidhem unë me delegatët dhe të shkarkoj një drejto në një institucion të caktuar. Ka një vendim të votuar nga të gjithë në mënyrë kolegjiale për 18 dhjetorin.

Ka një shumicë në grup parlamentar e kryesi, sigurisht që do të ketë edhe në raport me delegatët. Ka një kartë delegati me datë të përcaktuar dhe verifikohet kjo. Se cilido mund të marrë një kartë si anëtar i Kuvendit Kombëtar”,-tha në ”Ora News”.