Salianjit i duhen edhe 6 firma për tu zgjedhur kryetar grupi, edhe 2 deputetë ”tradhtojnë” Alibeajn

Deputeti demokrat Ervin Salianji që prej dhjetorit ka nisur takimet me deputetët dhe sipas ”Report TV” ka arritur që të sigurojë vetëm 14 nënshkrime nga 38 deputetë që grupi parlamentar i PD-së ka zyrtarisht në listën e depozituar në institucionet e Kuvendit të Shqipërisë.

Grupet parlamentare janë institucione të Kuvendit dhe jo ekskluzivisht partiake ndaj edhe funksionimi i tyre bëhet sipas Rregullores së Kuvendit. Salianji me mbështetjen e fuqishme të Berishës, deri ka mbledhur 14 firma, kryesisht deputetë të ”Rithemelimit”, përveç Ferdinand Xhaferrit dhe Bledion Nallbati që kanë dalë tashmë nga ”rreshti” i Alibeajt.

Për të siguruar shumicën në grupin parlamentar Salianjit do t’i duhen, të paktën 20 vota. ”Lufta” edhe për 6 firma të tjerë duket se është në vijim.

Deputetët që kanë firmosur deri tani për shkarkimin e Enkelejd Alibeaj janë:

1-Bujar Leskaj
2-Edi Paloka
3-Ina Zhupa
4-Isuf Çela
5-Luçiano Boçi
6-Greta Bardeli
7-Kastriot Piroli
8-Lindita Metaliaj
9-Sorina Koti
10-Tomorr Alizoti
11-Zef Hila
12-Ervin Salianji
13-Ferdinand Xhaferraj
14-Bledion Nallbati

Këta janë të vetmit që mund të konsiderohen si kërkues legjitim në sytë e rregullores ndërkohë që 9 deputetë të ”Rithemelimit” janë të përjashtuar nga grupi.

Deputetë të përjashtuar:

1-Agron Shehaj
2-Belind Këlliçi
3-Tritan Shehu
4-Oerd Bylykbashi
5-Sali Berisha
6-Albana Vokshi
7-Edmond Spaho
8-Flamur Noka
9-Luan Baçi