Samiti i BE: Zgjedhje të reja në 4 komunat në Kosovë

Samiti i Këshillit Europian i Brukselit do të miratojë një deklaratë në lidhje me zhvillimet më të fundit në Ballkan, e konkretisht për krizën e krijuar së fundmi në Kosovë. Liderët e 27 vendeve të Bashkimit Europian, sipas Radio Europa e Lirë, në dokumentin që pritet të miratohet pritet të kërkojë masa të shpejta për uljen e tensioneve dhe për zbatimin e Marrëveshjes së Ohrit, e cila ka për qëllim normalizimin e marrëdhënieve Kosovë-Serbi.

“Këshilli Evropian i dënon incidentet e fundit në veri të Kosovës dhe bën thirrje për çtensionimin e menjëhershëm të situatës, në bazë të elementeve kyçe që tashmë janë shfaqur nga Bashkimi Evropian, më 3 qershor 2023. Dështimi në uljen e tensioneve do të ketë pasoja negative”.

Thirrja e BE-së është sërish për zgjedhje të parakohshme në të katër komunat në veri të Kosovës: Mitrovicë e Veriut, Zveçan, Zubin Potok dhe Leposaviç.

Veç normalizimit të marrëdhënieve mes Kosovës dhe Serbisë dhe sigurisë, një procesi integrimit të vendeve të Ballkanit Perëndimor, pritet të jetë në vëmendjen e liderëve Unionit.

“Këshilli Evropian përsërit mbështetjen e plotë dhe të parezervë për perspektivën e anëtarësimit në BE të Ballkanit Perëndimor dhe mbështetjen për përshpejtimin e procesit të anëtarësimit”.