Samiti Ukrainë-Ballkani Perëndimor në Tiranë, zbardhet agjenda! Pritja nga Rama dhe Zelensky

Tirana do të kthehet sërish kryeqendër e politikës europiane. Janë zbardhur disa nga pikat e agjendës nga Samiti Ukrainë-Ballkani Perëndimor që pritet të mbahet nesër, 28 shkurt në Tiranë.

Ndalesa e parë do jetë në Kryeministri në orën 09:00 e ndërsa më pas pritja do të bëhet në orën 11:00 në Pallatin e Kongreseve nga kryeministri Edi Rama dhe presidenti ukrainas Volodymyr Zelenskyy. Në orën 13:30 do të ketë një konferencë për mediat nga ana e Ramës dhe Zelenskyy-t, ku do të marrë pjesë online dhe Komisioneri për Zgjerim dhe Fqinjësinë e Mirë në BE, Oliver Varherly.

Në kuadër të këtij Samiti do të ketë edhe kufizim të qarkullimit në Tiranë, që do të nisë nga pasditja e sotme deri më 29 shkurt dhe do të aplikohet kryesisht përgjatë itinerarit që do të ndjekë eskorta e presidentit ukrainas, Volodymyr Zelensky që nga Aeroporti “Nënë Tereza”.