Sazan Guri depoziton 5018 firma në KQZ si i pavarur

Sazan Guri dorëzon në KQZ listën prej 5 mijë firmave për të hyrë si kandidat i pavarur në garën elektorale të 21 qershorit.

Në një prononcim për median pasi doli nga KQZ Guri falenderoi mbështetësit.

“U mblodhën 7 mijë firma, por 2 mijë patën mangësi teknike dhe zyrtarisht dorëzuam 5018 firma. Shpresoj që nga ky moment të jem kandidat i barabartë mes kandidatëve të tjerë.

Kandidatët pavarësisht nëse janë nga shoqëria civile janë të barabartë për të dhënë një alternativë më shumë” u shpreh Guri.

Për kryetar të bashkisë së Tiranës në zgjedhjet e 21 qershorit janë në garë 3 kandidatë të pavarur, Gjergj Bojaxhi, Sazan Guri e Arben Tafaj, ndërsa Erion Veliaj dhe Halim Kosova mbështeten nga dy koalicione partish, një në mazhorancë dhe tjetri në opozitë.