Servet Pëllumbi: Referendumi, demokratizim i PS-së

Servet Pëllumbi e quan demokratizim të Partisë Socialiste referendumin që do të mbahet më 9 prill për kryetarin e partisë.

Duke folur në një intervistë për gazetën ‘Panorama’, ai thotë se debati për këtë çështje nuk duhet të vazhdojë më, pasi sipas tij statuti është votuar nga shumica e delegatëve në Kongres.

Dhe duke shtuar se referendumi në PS nuk ka të bëjë me personin, por me çështjen që i takon statutit.

“Kush nuk e gjen veten më në këtë statut apo në këtë familje dhe në këtë parti, është i lirë të shkojë ku të dojë, nuk imponohet kush të qëndrojë apo të mos qëndrojë”, shprehet gjithashtu Pëllumbi.