SHBA vendos viza për Francën e Belgjikën

Dhoma Përfaqësuese e Kongresit Amerikan me shumicë votash ka ashpërsuar regjimin e hyrjes në SHBA për shtetas të 38 vendeve, të cilët deri tash mundeshin pa viza.

Vendimi u mor me 407 vota për dhe vetëm 19 kundër.

Vizat kërkohen për secilin që gjatë pesë vjetëve të fundit ka qëndruar në Irak ose Siri, transmeton Koha.net raportimin e AP-së.

Belgjika dhe Franca, vendet prej nga ishin shumica e kryesve të sulmeve në Paris, ndodhen në listën e 38 vendeve të cilat më përpara nuk kishin nevojë për viza për hyrje në SHBA.