Shehu: Drejtoresha e Spitalit së Lushnjes, një ”mekanike”

Kreu i departamentit për Shëndetësinë në PD, Tritan Shehu ka denoncuar një shkelje dhe e ka quajtur abuzim emërimin në postin e Drejtoreshës së spitalit të Lushnjes, një zonjë e cila nuk ka lidhje të drejtpërdrejtë me sektorin e shëndetit. Me anë të një statusi në facebook, z.Shehu është shprehur se: “Një zonjë që ka mbaruar studimet e mesme për degën “mekanike” dhe ato të larta me korrespondencë për “ekonomi agrare” emërohet në prag pensioni në atë detyrë të vështirë”.

Për kreun e departamentit së PD-së zonja në fjalë nuk ka kualifikim e duhur për atë post, dhe ai vetë nuk e sheh të arsyeshme që një person me të tjera kualifikime të jetë në atë post drejtues.  “Në disa dekada punë të saj në poste e prefekturë, nuk gjen lidhje me sistemin shëndetësor. Unë nuk e di sa e aftë është ajo në profesionet e saja, por pa dyshim nuk plotëson kërkesat më minimale për të drejtuar një institucion shëndetësor, aq më shumë një spital”.

Sipas Shehut emërtime të tilla e kontraktojnë tërësisht kapacitetet teknike e njerëzore të spitalit dhe përgjegjës për këtë mbetet Ministria e Shëndetësisë.

Thirrja e Shehut është që në të tilla poste të vendosen ata që e meritojnë, ata që kanë kualifikimet e duhura dhe janë të përshtatshëm. Nga takimi me kolegët e tij në këtë spital, Shehu është shprehur se ka marrë pohime se emërimi i zonjës si Drejtoreshë ka ulur produktivitetin dhe besimin në radhë të parë tek stafi dhe më tej tek pacientët