Shembja e Teatrit Kombëtar, protestë në Padova: Trashëgimia kulturore duhet t’iu përcillet brezave (VIDEO)

Për prishjen e Teatrit Kombëtar, reagime të forta po vijnë dita-ditës edhe nga Europa. Është zhvilluar një protestë në formën e ”flash mob” në Padova të Italisë, në mbrojtje të Teatrit Kombëtar të shembur si sot dy javë më parë nga Bashkia e Tiranës. Oranizatorët janë qytetarë italianë dhe shqiptarë, të cilët kanë shprehur ndjeshmërinë e tyre për trashëgiminë kulturore shqiptare.

”Dy javë më parë në 4:30 të mëngjesit në Tiranë, një vend pranë Padovas, pranë Italisë u shkatërruar një simbol kulturor që duhet të bashkonte këto vende. Ne kemi nevojë për kulturën, për urat që lidhin dy anët sepse është e shkuara jonë prezentë dhe e ardhmja. Trashëgimia kulturore duhet t’iu përcillet brezave të rinj. Për këtë arsye ne dënojmë shembjen e Teatrit Kombëtar të ndërtuar nga italianët dhe dënojmë edhe dhunën e përdorur nga policia kundër intelektualëve, kundër popullsisë civile”, tha Elda Omari, arkeologe dhe historiane e arteve.
“Një vend pa të kaluar pa memorie është një vend pa identitet”, thotë kronika e TV7.

“Në bashkëpunim me miqtë shqiptarë, duke konsideruar faktin që Puglia është shumë afër Shqipërisë jemi këtu për të treguar solidaritetin tonë”, tha President i Shoqatës Pulieze në Padova.

https://www.facebook.com/ireportertv7/videos/3268084829882872/?v=3268084829882872