Shënohet viktima e parë pas javëve pa humbje jete. 149 raste të reja nga Covid-19

Politikë E Premte, 6 Gusht 2021 19:01

Pas javëve pa viktima, në 24 orët e fundit një pacient i prekur nga Covid-19 ka humbur jetën. Sipas Ministrisë së Shëndetësisë, edhe rastet e reja janë shtuar, ku nga 3757 testime, 149 janë infektuar.

”Me gjithë përpjekjet e stafit mjekësor, në 24 orët e fundit ka ndërruar jetë një 76-vjeçare nga Tirana. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerës”.

Aktualisht janë 763 pacientë aktivë me Covid-19 në të gjithë vendin. Në Spitalin Infektiv po marrin trajtim spitalor të specializuar 27 pacientë. Lajmi i mirë është se janë shëruar 27 qytetarë gjatë 24 orëve të fundit, duke e çuar numrin e të shëruarve në 130,370 që nga fillimi i epidemisë.

Statistika (06 Gusht 2021)

Raste të reja ditore 149
Të shëruar në 24 orë 27
Të shtruar në spitale 27
Humbje jete në 24 orë 1
Testime ditore 3,753
Testime totale 922,100
Raste pozitive 133,591
Raste të shëruara 130,370
Raste aktive 763
Humbje jete 2,458