Sherr në Kuvend. Rama: Nuk jam palaço si ty, zagar. Gazment Bardhi përjashtohet nga seanca plenare

Situata në Kuvend është tensionuar dhe gjuha është shfrenuar. Në debat është përfshirë kryeministri Edi Rama me deputetët e PD-së, Gazment Bardhi dhe Enkelejd Alibeajt. ”Nuk jam palaço si ty, ik te cirku, ik ore zagar”, janë fjalët që ka hedhur ndaj Gazment Bardhit, i cili është përjashtuar nga punimet e seancës plenare nga zv/kryetarja Felaj.

Pjesë nga debati

Edi Rama: Palaço cirku.

Gazment Bardhi: Palaço je vetë.

Ermonela Felaj: Vetëpërmbahuni në diskutime, mos flisni nga vendi.

Edi Rama: Shani dhe akuzoni njerëz, cilën qetësi humba, kollaj është ti thuash që je mafioz dhe kërcënon njerëz dhe s’ke asnjë provë.

Gazment Bardhi: Je mafioz.

Edi Rama: Për cilët emra duhet të përgjigjem palaço.

Gazment Bardhi: Je legen mafioz.

Edi Rama: Je në gjendje t’ia vësh figurën një cirku gënjeshtrash, akuzash dhe fantazish, s’ke turp.

Gazment Bardhi: Ruaj qetësinë mafioz.

Edi Rama: Nuk jam palco që të ruaj qetësinë kur më thonë të pavërteta. Më duhet t’ia shpjegoj fëmijëve të mi që je një palaço cirku, ik ore zagar.