Sherri me Açkën, Flamur Noka: ”Brava” po keqpërdor gratë si padroni i tij Rama

Deputeti i grupit të Berishës, Flamur Noka ka shpjeguar atë se çfarë ndodhi sot në Komisionin e Mediat, ku së bashku me Gazment Bardhit patën një përplasje me kolegen e tyre, Flutura Açka, e cila është me grupin e Bashës.

Duke pasur një lloj reflektimi, ndonëse jo në masën për të kërkuar falje, Noka tha se u detyrua që të reagojë kur pa sesi Brava, siç quan Lulzim Bashën, po përdorte të njëjtin skenar sipas tij si Edi Rama, duke keqpërdorur gratë.

”Ajo që u konstatua sot është se Barava njëlloj si padroni i tij gjeti një mënyrë për të keqpërdorur disa zonja dhe kjo është gjëja më e turpshme dhe më e rëndë, për të penguar aksionin dhe sinkroniozuar linjën politike me ramës. Ky është perversitet. I keqpërdorën sepse ne kemi për 3 muaj e gjysmë jemi në mosbindje civile. U ndjeva shumë keq kur zonja thoshte që këtu jam unë në shtëpinë time, dilni ju jashtë. Ndihem keq që ne u detyruam të bllokojmë seancën, por ndihem keq kur një kolege e jona që është aty me votat e demokratëve, ajo bën gjithçka me urdhër”, tha Noka në ”A2cnn”.