”Sherri” për SPAK-un, Salianji: Edi Rama paranojak për pushtet absolut

Në seancën plenare të kësaj të enjteje në Kuvend, një pjesë e mirë e diskutimeve nga ana e deputetë ka qenë çështja ”Edi Rama dhe SPAK-u”. Deputeti i PD-së, Ervin Salianji tha se kryeministri Edi Rama po ushtron presion ndaj SPAK që t’i shërbejë interesave të tij.

”Nuk ka qytetar që nuk e kupton që Edi Rama ka kontroll mbi çdo gjë. Ky kampion i drejtësisë po kërcënon SPAK. E kërcënon me skualifikim SPAK-un, nëse nuk i shërben PS-s[. Me këtë tregon sikur i hodhi hi syve të gjithë shqiptarëve.

Egërsia mediatike, ndaj çdo kundërshtari politik i jep imunitet dhe e mbyll çështjen. Këtu e ka vendosur PS-ja fokusin. Rama vuan nga paranoja për të pasur pushtet absolut”.