Nga negociatat me pengmarrësit tek operacionet për arrestimin e kriminelëve, shihni si stërviten forcat RENEA (Video)

Forcat RENEA mbushin sot 30-vjetorin e krijimit të tyre.

Nga një operacion policie për kapjen e kriminelëve te lirimi i një pengu. Snajper të vendosur në pikën më të lartë, lëvizje të shpejta me makina e blinda, qen të stërvitur dhe aksion. Këto janë pamjet nga stërvitja e forcave tona speciale të Policisë, Forcave RENEA gjatë një simulimi të bërë sot me rastin e 30-vjetorit të themelimit të tyre.

Nuk ka munguar një simulim pengmarrjeje, ku autori i vë kushte policisë. Teksa nga një anë negociohet për lirimin e pengut, nga ana tjetër forca të tjerë rrethojnë autorët.