Shkarkimi i Bashës, Komisioni i Rethemelimit çertifikon sot rezultatin

Ditën e shtunë, Komisioni për Rithemelimin e Partisë Demokratike mbajti procesin e Referendumit për ratifikimin e Kuvendit Kombëtar të 11 dhjetorit.

Kurse mëngjesin e kësaj së diele, Komisioni do të mblidhet për të certifikuar rezultatin përfundimtar të referendumit për shkarkimin e Lulzim Bashës.

Nga selia e PD, Albana Vokshi mbrëmë deklaroi se në referendum votuan më shumë se 43 mijë demokratë, pjesa më e madhe e të cilëve, sipas rezultateve paraprake ishin për shkarkimin e Bashës.

Komisioni do të bëjë me dije rezultatin final të referendumit me anë të një njoftimi për media.