Shorti në KQZ: Meta-Berisha numërues vetëm në tavolinat me numër tek, ndërsa PDIU në ato me numër çift
Aktualitet Politikë E Martë, 25 Prill 2023 12:52
KQZ ka hedhur shortin për të ndarë numëruesin e katërt mes Partisë së Lirisë dhe PDIU për zgjedhjet e 14 majit. Sipas shortit PDIU do të ketë numërues në tavolinat me numër çift ndërsa Partia e Lirisë në tavolinat me numër tek.
Në tavolinat e numërimit me numër tek në të gjithë vendin numëruesit do të jenë 2 përfaqësues të Partisë Socialiste, 1 i Partisë Demokratike dhe 1 i Partisë së Lirisë, e cila është në koalicion me PD-në e Berishës.
Ndërsa në tavolinat e numërimit me numër çift në të gjithë vendin numëruesit do të jenë 2 përfaqësues të Partisë Socialiste, 1 i Partisë Demokratike dhe 1 i PDIU-së.
