Shqiptarët e SHBA: Pse diplomacia amerikane mbështet një të korruptuar si Edi Rama

Shqiptarët e Amerikës i shkruajnë, ndër të tjera, Presidentit Amerikan Donald Trump se kryeministri Rama është kryeministër i korruptuar dhe i mbështetur nga mafia. Ata thonë se pse diplomacia amerikane mbështet një politikan të tillë. Ja një pjesë e letrës së tyre drejtuar Presidentit Amerikan:

“1. Shqipëria udhëhiqet aktualisht nga Partia Socialiste, pasardhëse e ish-partisë komuniste. Kryeministri Edi Rama, i cili erdhi në pushtet në 2013, vazhdon të mbajë pushtetin përkundër akuzave të shumta serioze për bashkëpunim me krimin e organizuar, dëshmi e të cilave kanë qenë dhjetëra emërime të drejtpërdrejta të Edi Rama në zyrat publike, zyrat e administratës lokale dhe qendrore, e individëve që kanë pasur prejardhje kriminale. Në shumë raste, qeveria socialiste ka zbatuar praktika të korruptuara për rregullimin dhe kontrollin e ekonomisë, duke mbrojtur interesat e veçanta të individëve dhe kompanive private kundrejt interesit publik dhe besohet nga shumica e shqiptarëve se Kryeministri Rama është sot kreu e oligarkisë shqiptare.

Përveç kësaj, ai po kontrollon degën legjislative dhe sistemin gjyqësor duke manipuluar zbatimin e reformës gjyqësore. Përmes kontrollit të parlamentit, Edi Rama po propozon ligje për të kufizuar lirinë e fjalës dhe lirinë e shtypit, ndërsa nga ana tjetër ka krijuar rrjetin e vet televiziv të quajtur ERTV, në përpjekjet e tij më të çmendura për të helmuar publikun mendim me propagandën e tij politike.

Çuditërisht dhe për fat të keq, ky autokrat i korruptuar aktualisht mbështetet nga diplomacia amerikane”- shkruajnë ndër të tjera shqiptarët e Amerikës.