”Shtëpia e Verdhë nuk ka ekzistuar kurrë”! Thaçi u shpreh i pafajshëm, Rama: Gjykimi i tyre një çorbë e pagëlltitshme

Ish-presidenti Hashim Thaçi në seancën e sotme në Gjykatën Speciale në Hagë, tha se është i pafajshëm. Kryeministri Edi Rama në një reagim për këtë gjyq, tha se e cilëson një çorbë gjykimin si kriminelë lufte të 4 ish-liderëve të UÇK-së në Hagë.

“Sigurisht që po!” Por prapëseprapë është aq e pagëlltitshme një çorbë kaq e shpifur, kur i sheh ata që e udhëhoqën luftën çlirimtare të një populli të shtypur egërsisht, të akuzohen si kriminelë lufte nga një organ i krijuar mbi bazën e fantazive të shthurura me trafik organesh! MEGJITHATË UÇK NUK DO TË MUNDET NGA PADREJTËSIA”,shkruan Rama.

Thaçi tha se ky gjykim ka hequr “renë e zezë” mbi Kosovën, sa i përket pretendimeve të ish-senatorit amerikan, Dick Marty, për trafikim organesh nga UÇK-ja. “Bota tani e di sot si rezultat i këtij procesi se nuk kishte trafikim organesh dhe se Shtëpia e Verdhë nuk ka ekzistuar kurrë. Tani e dimë se edhe unë edhe UÇK-ja, populli i Kosovës dhe gjithë shqiptarët jemi shfajësuar nga këto akuza. E vërteta është thënë dhe rreja e zezë mbi Kosovën është hequr. Pra, kjo sakrificë ja ka vlejtur”, ka thënë Thaçi.