“Shtëpia me gjethe”, Braçe: U përdor edhe nga SHIK i Gazidedes

Deputeti socialist Erjon Braçe përmes një postmi në rrjetin social Facebook ka reaguar mbi “Shtëpinë me gjethe”, objekt i përdorur në vitet e diktaturës nga regjimi komunist për përgjimet dhe gjurmimet, dhe që një ditë më parë u shndërrua në një muze.

Por deputeti Braçe thotë se ky objekt është përdorur edhe nga SHIK i Bashkim Gazidede për përgjimin e kundërshtarëve politikë, duke shtuar se edhe kjo u duhet kujtuar shqiptarëve.

"Shtepia me gjethe" ashtu ka qenë, maternitet, Gestapo, Sigurim i Shtetit!!

Po nuk mbaron këtu!

"Shtëpia me gjethe" ka vijuar të jetë "Shtëpia e Përgjimit" të kundershtarëve politikë edhe nga 1992-shi deri në 1997-të!!

Pooo, ne kohën e Sali Berishes dhe Bashkim Gazidedes dhe SHIK-ut të tyre kriminal, gjymtues dhe vrasës!!

Nëse duhet që t’ua kujtojmë shqiptarëve, t’ua kujtojmë në cdo dimension të saj!!”,shkruan Braçe në Facebook.