“Siguria e rajonit, në rrezik”, Berisha: Ndikimi rus dhe plagët e pashërura të konflikteve

Nga Azerbajxhani, ku prej ditësh po merr pjesë në forumin e 9 global, kyetari i PD-së Sali Berisha paralajmëroi se siguria në rajonin e Ballkanit është në rrezik.

“Fantazma e ultranacionalizmit që mban pezull konfliktet, një ndikim i fortë rus në rajon dhe krimi i organizuar në nivelet më të larta, në lidhje me pushtete autokratike në korrupsion kërcënojnë sigurinë e rajonit”.

Gjatë diskutimeve, Berisha e ka cilësuar jetike një marrëveshje mes Kosovës dhe Serbisë. Për të Presidenti serb Aleksandër Vuçiç, me anë të deklaratave të tij, kërcënon stabilitetin e Kosovës.

“Ky president u betua para dy javësh para Parlamentit, duke u zotuar se do të mbronte sovranitetin e Serbisë, përfshirë Kosovën. Nëse qëndron kështu, e mban konfliktin të vazhduar. Nëse atje shkojnë armë ruse dhe kineze, në atë kohë që Serbia kërcënohet nga askushi, kjo është kërcënuese”.