Situata humanitare në Ukrainë është kritike, Meta thirrje shqiptarëve: Të mbledhim ndihma

Presidenti i Shqipërisë, Ilir Meta u bën thirrje shqiptarëve që të ndihmojë Ukrainën, pasi atje ka një situatë humanitare shumë kritike. ”Me përulësi ju bëj thirrje të gjithëve të ndjekim nismën e Kryqit të Kuq Shqiptar, për të mbledhur ndihma në mbështetje të popullit ukrainas që po lufton heroikisht në çdo qytet, lagje e rrugë. Humanizmi dhe solidariteti njerëzor janë tipare të çmuara të kombit tonë”,-shkruan kreu i shtetit në facebook.

Postimi i plotë

Të dashur qytetarë, për shkak të luftimeve të ashpra, situata humanitare në Ukrainë është tepër kritike.

Me përulësi ju bëj thirrje të gjithëve të ndjekim nismën e Kryqit të Kuq Shqiptar, për të mbledhur ndihma në mbështetje të popullit ukrainas që po lufton heroikisht në çdo qytet, lagje e rrugë.

Humanizmi dhe solidariteti njerëzor janë tipare të çmuara të kombit tonë.

Shqipëria qëndron përkrah Ukrainës dhe popullit të saj! #StandWithUkraine #StopRussianAggression