“S’ka zgjedhje pa PD”, Shehu flet për situatën në KQZ: Aventurë e rrezikshme e këtij regjimi

Nisur nga problemet me dy grupet në selinë blu, Komisioni Qëndror i Zgjedhjeve ka paralajmëruar se Partia Demokratike rrezikon të mos regjistrohet për garën e 14 majit.

Deputeti i PD-së Tritan Shehu, e përjashton një skenar të tillë duke thënë se reagimi popullor do të ishte shumë i ashpër.

“Kjo është një aventurë tjetër e këtij regjimi shumë e rrezikshme, që do ta djegë atë brenda. Nuk mund të ketë zgjedhje pa PD, nuk mund të ketë zgjedhje pa opozitën shqiptare se PD është pjesa dërmuese e opozitës shqiptare. Çdo tentativë dhe çdo ngutje për ta përjashtuar padyshim do të sjellë reagime shumë të fuqishme. Nuk më shqetëson kjo gjë se nuk mund të ndodhë diçka e tillë se reagimi pastaj do të ishte jashtëzakonisht i ashpër dhe i fortë me këtë regjim. Ky është një moment që do të kalojë por kjo kërkon miobilizim popullor, reagim popullor dhe qëndresë popullore”.