“S’kam frikë nga zgjedhjet”, Kryemadhi tregon një nga qarqet ku do të garojë më 25 prill

Kryetarja e LSI, Monika Kryemadhi, ka treguar sot, pikërisht në ditën e zgjedhjeve prenda partisë së drejton, një nga qarqet ku do të garojë në zgjedhjet parlamentare të 25 prillit 2021.

Kryemadhi deklaroi se do të zgjedhë qarqet më të vështira për të garuar dhe një ndër ta është Fieri.

“Do kandidoj në qarqet më të vështira. Monika s’ka frikë nga gara dhe zgjedhjet. Sot në këto kushte s’kam qëllim të jem veç kryetare e LSI, kam një mision: Ta bëjmë Shqipërinë shtëpinë e gjithë shqiptarëve! T’i kthejmë këtu, të vijnë të punojnë këtu. Të jenë vetë zot. Shqipëria të jetë pjesë e Europës. Kodi i ri zgjedhor na e ka dhënë këtë mundësi të garojmë në disa qarqe, Fieri do jetë një nga zgjedhjet e mia”,- u shpreh Kryemadhi.