Skanohen kryebashkiakët e PS, Alibeaj: Provat për 2 prej tyre
Ish-deputeti i PD-së, Enkelejd Alibeaj, i ftuar në ”Abc News”, foli në lidhje me verifikimet që PD po bën për të gjithë kryebashkiakët në vend. Sipas tij, indiciet se këta persona janë të inkriminuar, vijnë nga publiku, ku më pas kalon në filtra të tjerë verifikimesh. Alibeaj tha se kryebashkiaku i Mallakastrës, përpara 1 muaji e gjysmë, ka shkuar vetë në Greqi për të tërhequr dosjen penale.
Enkelejd Alibeaj: Ne kemi realisht të 60 kryebashkiakësh, nga verifikimet e para rezulton deri tani janë rreth 15 që kemi dyshime të arsyeshme se janë të inkriminuar.
Enkel Demi: Cilët janë?
Enkelejd Alibeaj: Ata që kanë dalë tashmë. Çdo aksion politik i yni është dhe bazohet në verifikime të hollësishme. Por ne këto të dhëna që kemi do të duhet ti analizojmë më hollësisht me legjislacionin vendas. Indiciet shenjat e para vijnë nga publiku. Ne në mënyrë zyrtare e fillojmë verifikimin për të 60 bashkitë, për të gjithë të zgjedhurit. Verifikimet bëhen në mënyrë private, zyrtare por edhe në mënyrë diplomatike me aq sa kemi mundësi. Pastaj bëhet dhe aksioni ligjor në përfundim. Në rastin e Vaut të Dejës dokumentacioni i marrë nga ana jonë është autentik, por megjithatë do të duhet të verifikohet në rrugë zyrtare, dërguar prokurorisë së përgjithshme.
Po çfarë ka ndodhur? Që prokuroria e përgjithshme të marrë dokumentacionin në Itali, zyrtarisht dokumentacioni kalon nëpërmjet ministrisë së Drejtësisë shqiptare dhe asaj italiane. Por çfarë ka bërë Ministrja shqiptare e drejtësisë Etilda Gjonaj? Këto dokumentacione i mban në sirtar prej 1 muaj e gjysmë deri më tani, kjo përbën shkelje ligjore penale, e them këtë pasi ky proces duhet të kishte përfunduar tashmë. Në rastin e kryebashkiakut të Mallakastrës, nuk ndodh asnjëherë që të mos dijë gjë.
Ai e di, për këtë mund të them se 1 muaj e gjysmë më parë ka shkuar vetë në Greqi për të tërhequr dosjen penale, por po të flasim me terma ligjor nëse rezulton se je i dënuar qoftë edhe në mungesë dhe nuk është deklaruar në formularin e dekriminalizimit, shkarkohesh nga detyra. Mos dijenia mund të përdoret në një situatë tjetër.
