“Socialistë Çohuni”, kërkesat e protestuesve për Ramën

  Dhjetëra anëtarë të Partisë Socialiste, protestuan sot para selisë së PS. Ata kërkuan largimin e kryeministrit Edi Rama, nga drejtimi i partisë. Sipas tyre, Rama po shkel statutin e PS-së duke qëndruar në krye të partisë ndonëse prej 3 vitesh i ka mbaruar mandati.

Mes socialisëve protestues ishte edhe një nga themeluesit, Shkëlqim Meta, i cili ka qenë edhe ish-kandidatë për kryetar të PS-së. Sipas tij kjo protestë vjen pas shkeljes së statutit të PS-së, nga kryetari aktual Edi Rama të cilit i ka mbaruar mandati prej 3 vitesh.  Ai e ka pagëzuar lëvizjen e re brenda PS me emrin”SOCIALISTË CCOHUNI”.

“Protestojmë sot për të bërë publike prezantimin e shumë problematikave të PS, por veçanërisht, çështja e zgjedhjes së kryetarit aktual. I ka mbaruar mandati në 2013 dhe ai vazhdon të drejtojë këtë forcë politike pa zgjedhje duke u përpjekur të bëjë modifikime në statut,” u shpreh Meta.

Protestuesit kanë paraqitur dhe një listë më kërkesa.