Sondazhi, Hoxha: Berisha mbështetet nga më shumë se 70 përqind e anëtarëve të PD

Presidenti i ”Tirana Bussines University”, Artan Hoxha ka folur për sondazhet e NOTO-s, ku Sali Berisha del qartë fitues ndaj Lulzim Bashës. Në një intervistë me moderatoren Sonila Meço, ai thekson se diferenca mes Berishës dhe Bashës është e dukshme. Po ashtu ai nënvizon se Berisha mbështetet nga më shumë se 70 përqind e anëtarëve të PD-së.

“Sondazhet tregojnë qartë se diferenca është shumë e madhe. Duket se Berisha mbështetet nga mbi 70 për qind e anëtarëve të PD. Diferenca shkon 80 me 10 dhe 10 për qind që është elektorat i pavendosur tek anëtarët.

Kur vijmë tek Kuvendi, dimë se ka 7 800 vetë e është numër i lartë. Atë që shohim si qëndrim të anëtarësisë, do ta shohim në nivelin e anëtarëve të Kuvendit.

4 200 firmat janë reale. Unë kam burimet e mia që ma konfirmojnë. Firmëtarët janë nxitur që ta publikojnë në mënyrë publike firmën e tyre”, deklaroi Hoxha në ”Syri.net”.