Sot rinisin negociatat për reformën, shqyrtohet drafti final

Komisioni i posaçëm i reformës në drejtësi do të mblidhet sot në orën 15.00.

Burime nga Kuvendi thanë se opozita ka konfirmuar pjesemarrjen në takimin ku pritet të paraqitet drafti final i paketës kushtetuese, i cili përmbledh edhe konkluzionet e misioneve ndërkombëtare që kanë punuar javët e fundit me versionin e fundit të ardhur nga Venecia.

Ky takim shënon rikthimin e negociatave për reformën në shinat normale dhe pritet të përshpejtojë afrimin e paketës kushtetuese në seancën e miratimit.

Lobimi i djeshëm i ndërkombëtareve pranë opozitës dhe LSI-së duket se ka dhënë frytet e veta.