SPAK apelon vendimin, kërkon ta rikthejë Berishën në arrest shtëpie

SPAK apelon lirimin e ish-kryeministrit Sali Berisha nga arresti shtëpiak dhe kërkon rikthimin e masës.

Bëhet me dije se SPAK ka dorëzuar zyrtarisht kërkesën në Apelin e GJKKO, ku kundërshton vendimin e Gjykatës së Posaçme për lirimin e Berishës nga masa arrest në shtëpi.

Prej 30 dhjetorit të vitit 2023, kryetari i PD Sali Berisha u mbyll në shtëpi, pasi refuzoi në mënyrë të vazhdueshme të zbatojë masën e parë që gjykata vendosi ndaj tij, atë të detyrimit për tu paraqitur, si person nën akuzë për korrupsion pasiv.