SPAK kërkon arrestimin, Këshilli i Mandateve vendos më 18 dhjetor për Berishën
Politikë E Martë, 12 Dhjetor 2023 18:29
Më datë 18 dhjetor, në orën 12:00, Këshilli për Rregulloren, Mandatet dhe Imunitetit do të mblidhet për shqyrtimin e kërkesës së SPAK-ut që kërkon autorizimin e Kuvendit për arrestimin e Sali Berishës.
“Mbledhja e Këshillit për Rregulloren, Mandatet dhe Imunitetin për shqyrtimin e kërkesës së Prokurorisë së Posaçme Kundër Korrupsionit dhe Krimit të Organizuar për dhënien e autorizimit nga Kuvendi për arrestimin/heqjen e lirisë së deputetit Sali Berisha, nëpërmjet zëvendësimit të masës së sigurimit, do të zhvillohet në datën 18.12.2023, ora 12.00, në Kryesinë e Kuvendit”,-thuhet në njoftim.
