SPAK merr të pandehur kryebashkiakun e Rrogozhinës, shkak një përgjim për 6 marsin

SPAK-u ka marrë të pandehur Edison Memollën, kryebashkiakiun e Rrogozhinës. Kjo pasi ai akuzohet për “korrupsion në zgjedhje”.

Bëhet fjalë për një përgjim sipas të cilit pretendohet se Memolla paguante faturat e energjisë elektrike të qytetarëve të Rrogozhinës në këmbim të votave.

Memolla është parë mesditën e sotme nën shoqërinë e avokatit të tij duke dalë nga Prokuroria, ku mësohet se i është komunikuar akuza.

Më herët në prill të këtij viti ai është paraqitur në SPAK mbi dyshimet se ka bërë punësime fiktive në bashki.