SPAK ndërhyn në çastin e fundit, gjyqtarja Hoxha do të lironte një tjetër të dënuar për vrasje

Pas arrestimit të gjyqtares Enkelejda Hoxha, e cila ka liruar nga burgjet disa të fortë të dënuar për vrasje, mësohet se Hoxha bashkë me avokatin e Shullazit dhe 8 persona të tjerë, do të lironin një tjetër të dënuar.

Këta persona po planifikonin lirimin e një të dyshuari për vrasje nga burgu i Fushë-Krujës. Hoxha së bashku me avokatin Aldo Tabaku, kishin marrë një shumë të konsiderueshme parashë për lirimin e të dënuarit për vrasje.

Kompjuterat personale dhe të gjitha dokumetet e saj janë marrë në sekuestrim nga ana e SPAK. Tashmë gjyqtarja do të përballet me akuzat e korrupsioni, shpërdorimit të detyrës dhe ndikimit të funksionarëve publikë.