SPAK shpall në kërkim ndërkombëtar Adriatik Llallën

Prokuroria e Posaçme kundër korrupsionit dhe krimit te organizuar ka përfunduar procedurat ligjore dhe ka shpallur në kërkim ndërkombëtar ish-prokurorin e Përgjithshëm, Adriatik Llalla.

Policia e Tiranës i është përgjigjur me një shkresë zyrtare Prokurorisë së Posaçme kundër Krimit dhe Korrupsionit, SPAK, ku e informon se ish-kryeprokurori Adriatik Llalla nuk është gjendur.

Nga verifikimet, Llalla rezulton të jetë larguar jashtë vendit pak ditë para shpalljes së vendimit të gjykatës që e dënoi atë me dy vite burg dhe u dha urdhër për konfiskimin e  pasurinë, dhe menjëherë pas kësaj ai u shpall në kërkim nga policia.