Spartak Ngjela: Rama tu thyejë brinjët me forcën e policisë protestuesve halabakë
Avokati Spartak Ngjela i cilëson turp historik protestat 2 ditore në Tiranë, ku nuk u kursye as dhuna, qoftë nga protestuesit, qoftë nga policia që iu kundërpërgjigj. I ftuar në rubrikën “Opinion” në studion e lajmeve në News24, Ngjela shkon më tej dhe i cilëson si halabakë protestuesit.
“Kryeministri t’i përgjigjet dhunës me forcë, ndryshe është bashkë me ta. Unë them t’i godasë politika amerikane të tre, Ramën, Bashën dhe Berishën. Nuk lejohen halabakët të djegin qytetin. Shkelja e ligjit ka si përgjigje vetëm forcën. Policia s’të përkëdhel, ka forcën, t’i marrë, t’i thyejën brinjët, t’i nxjerrë jashtë qytetit”,- tha ai.
Sa për vrasjen e të riut Rasha, avokati u shpreh se duket si një ngjarje aksidentale: “Duket aksidentale, por nuk ka dalë shkaku pse është vrarë, është hakmarrje mes tyre apo çfarë? Ata duan të shpëtojnë lëkurën nga korrupsioni, po flas për politikanët këtu”,- tha Ngjela.
Duke dhënë opinionin e tij për ministrin e dorëhequr Lleshaj, Ngjela tha: “Xhafaj ishte më i mirë si ministër se ky, pavarësisht se edhe ky nuk punoi keq”.
Lexoni edhe..
- Protestuesit nuk pranojnë përgjigjen e sotme të Ramës, ndaj në ora 18.00 prapë te Kryeministria
- Dita e dytë e protestës: “Luftë” guerrile në Tiranë, foto që flasin sa qindra fjalë!
- Çfarë ndodhi në ditën e parë të protestës për vrasjen e Klodian Rashës/Foto reportazh
- Ikën Sandri, frikësohet Edi!
- Fjalori i Ramës për protestuesit, Plasari: Halabakë iu dukën dhe shokut Çaushesku, por…
- Dhuna në protestë, reagon Avokati i Popullit
