Studentët ”kërcënojnë”: Bojkot procesit mësimor dhe protesta

Protesta si ato në 2018 mund të rikthehen sërish nga studentët.

Studentët e Universitet “Fan Noli” në Korçë, kërcënojnë se do të ndërmarri dy hapa: Bojkot mësimor dhe protesta, në rast se kërkesat e tyre nuk plotësohen.

Ata kanë një listë me katër kërkesa që qeveria dhe Universiteti duhet të përmbushë.

Të njëjtët hapa kërcënuan se do t’i ndërmarrin edhe studentët e Fakultetit të Shkencave të Natyrës në Tiranë. Ata pohuan se do të jenë pjesë e protestës në ditën e shtatë përballë Kryeministrisë.

Paralajmërimet e studentëve në Korçë dhe Tiranë mund t’i paraprijnë një tjetër vale protestash pas atyre të dhjetorit të vitit 2018.